कान्तिपुर संवाददाता
काठमाडौ, फाल्गुन ५ - मधेसी जनअधिकार फोरम (नेपाल) आफ्नो तीनबुँदे माग सम्बोधन नभइन्जेल सरकारमा नजाने भएको छ । अध्यक्ष उपेन्द्र यादवले सरकारको नेतृत्वकर्ता दलबाट माग सम्बोधन गर्ने लिखित प्रतिबद्धता र विश्वासनीय आधार भएमा मात्र आफ्नो पार्टी सरकारमा सामेल हुने उल्लेख गरेका हुन् ।
फोरमाले जेठ १४ मै संविधान जारी, त्यसअघि शान्ति प्रक्रिया टुंगयाउने र मधेसका मुद्दा सम्बोधनलाई सरकारमा सामेल हुने प्रमुख सर्त तोकेको छ ।
बिहीबार रेडियो कान्तिपुरसँग कुरा गर्दै अध्यक्ष यादवले माग सम्बोधन नभए सवल प्रतिपक्षको भूमिकामा फोरम रहने बताए । एमाले र माओवादीले भने सरकारमा दुई तिहाई पुर्याउन फोरमलाई सरकारमा सामेल गराउने कसरत थालेको छन् ।
यसअघिका केही आकर्षक मन्त्रालय उसलाई दिन गठबन्धन सरकारको नेतृत्वकर्ता दल एमाले राजी भइसकेको छ । फोरमलाई सरकारमा सहभागी गराउन एमाले माओवादीका शीर्षस्थ नेताहरुले अध्यक्ष यादवसँग आज भेटघाट गर्नेछन् ।
No comments:
Post a Comment
Giv your valuable time to comment here!
Thanks