तारा एयर दुर्घटनामा पर्ने सबै बिदेशी यात्रु

शिला पाण्डे

काठमाडौ, पुस १ - तारा एयरको दुर्घट्नामा परि मृत्यु हुने सबै यात्रु विदेशी नागरिक रहेको खुल्न आएको छ । उनीहरु सबै खोटाङको हलेसीमा तिर्थ यात्रा गरेर आएका थिए ।

उनीहरु मध्ये १८ जना भूटानी र एक जना अमेरिकी पासपोर्ट लिएका तिब्बती शरणार्थी रहेका छन् ।

तारा एयरको ९ एन-एएफएक्स नम्बरको जहाज बुधबार खोटाङको लामीडाँडाबाट काठमाडौं आउने क्रममा हराएको थियो । बिहीबार बिहान उक्त विमान ओखलढुङ्गामा दुर्घट्ना ग्रस्त भएको थियो । त्यसमा तीन चालक दलका सदस्य सहित सबै यात्रुको मृत्यु भएको थियो ।

आफ्ना नागरिकहरु दुर्घटनाम परेपछि भूटानबाट ९ जनाको एक उच्चस्तरिय टाली बिहीबार दिउँसो राजधानी आइपुगेका छन् । यसैबीच प्रधानमन्त्री माधवकुमार नेपालले दुर्घट्ना भइसकेको अबस्थामा उद्दार कार्यबारे पर्यटन मन्त्रालयसंग जानकारी लिएको थियो । प्रधानमन्त्रीले पर्यटनमन्त्री, कानुन, परराष्ट्रमन्त्री तिनैजनालाई बोलाएर भूटानलाई शव बुझाउने प्रकृयाका बारेमा पनि छलफल गरेका थिए ।

जहाजको टिकट काट्दा नेपाली नाममा काटेका कारण उनीहरुलाई पहिचान गर्न सुरुमा आप्ठ्यारो भएको थियो । विदेशीका लागि बढी पैसा लाग्ने भएपछि यी यात्रुले नेपाली नाम लेखाएको बताइएको छ । यात्रुमध्ये ९ जना पोतला गेष्ट हाउस ठमेलमा बसेको त्यहाँका व्यवस्थापक दिनेश तुलाधरले बताए ।

मारिनेहरु

मारिनेहरु:

छेडेक केल्साङ्ग (अमेरिकी पासपोर्ट होल्डर)

भुटानीहरु:



छेवाङ्ग केन्जिङ्ग

डेमा

सान्द्रुप

साङ्गघे

थिल्ने रिन्चिङ्ग

फु ग्याल्मा

केजाङ्ग दोर्जे

लन्जिङ् वाङ्गमो

फूब तेम

कुन्जाङ्ग वाङ्गमा

साङ्गगे बीदा

छेविङ्ग याङ्गकी

पेमा वाङ्गमो

छेरिङ्ग वाङ्गमो

दोर्जे बीदा