आपसी सहमती भए अनमिनको भूमिका प्रभावकारी हुने: अमेरिकी राजदूत अनमिनको अनुगमनकारी तथा अन्य भूमिकाको बहसमा नअल्मलिई शान्ति सम्झौताको पूर्ण पालना गर्न सुझ

काठमाडौ,२५ भाद्र (दैनिकी)

अमेरिकी राजदूत स्कट एच. डिलिसीले दलहरुबीच आपसी सहमती भए मात्र अनमिनले प्रभावकारी रुपमा काम गर्नसक्ने बताउनुभएको छ । शुक्रबार प्रेस बिज्ञप्ति प्रकाशित गरी राजदूत डिलिसीले अनमिनको अनुगमनकारी तथा अन्य भूमिकाको बहसमा नअल्मलिई शान्ति सम्झौताको पूर्ण पालना गर्न सुझाव दिनुभयो । उक्त वक्तव्यमा डिलिसीले राजनैतिक दलहरुलाइ अन्य भूमिकाको बहसमा नअल्मलिई शान्ति सम्झौताको पूर्णरुपमा पालना गर्न आवश्यक पर्ने र त्यसको लागि कठोर राजनैतिक निर्णयहरु लिन जरुरी रहेको बताइएको छ । उक्त वक्तव्यमा भनिएको छ अनमिनको भूमिकाको विषयमा पार्टीहरुबीच छलफल तथा सहमति हुनु जरुरी रहेको त्यसको लागि राजनैतिक दलहरुले शान्तिप्रक्रियाको पूर्णताका लागि बाधक रहेका मूलभूत मुद्दाहरुलाई सम्बोधन गर्नु पर्ने बताइएको छ ।
डिलिसीले बिहीबार प्रधानमन्त्री माधवकुमार नेपाल र माओवादी अध्यक्ष पुष्पकमल दाहाललाइ बेलायती राजदूत र फ्रान्सेली राजदूतसंगै छुट्टछुट्टै छलफल गर्नुभएको थियो ।