प्याब्सनमा नेतृत्व सर्बसम्मत गराउन प्रयास जारी

मनोरञ्जन शर्मा भैरहवा,फागुन २३

भैरहवामा जारी निजी तथा आबासिय बिद्यालय अर्गनाईजेशन नेपाल प्याब्सनको दशौ महाअधिबेशनले चयन गर्ने नँया नेतृत्वका लागी आज निर्बाचन हुदैछ । नँया नेतृत्वका लागी हुने निर्बाचनमा केन्दीय पदाधिकारी मध्ये अध्यक्ष,बरीष्ठ उपाध्यक्ष लगायत अन्य केही पदहरुमा सर्बसम्मत गराउने प्रयास भए पनि अहिले सम्म सहमती जुटन सकेको छैन् । अध्यक्ष लगायत महत्वपुर्ण पदहरुमा सहमती जुटाउनका लागी अहिले प्याब्सन केन्द्रीय कार्य समितीको बैठक बसिरहेको छ । बैठकले सहमती जुटाउन नसके अध्यक्ष लगायत सबै पदमा निर्बाचन हुने निश्चीत भएको छ ।
बिहानै देखि सहमती जुटाउने प्रयास जारी रहेको प्याब्सन महाअधिबेशन पतिनिधीले जनाएका छन् । सहमती नजुटेमा निर्बाचन कमिटीले दिउसो १२ बजे पछी निर्बाचनको कार्यक्रम र्सार्बजनिक गर्नेछ । महाअधिबेशन कार्यतालिका अनुसार हिजो बेलुका नै निर्बाचनको कार्यक्रम र्सार्बजनिक हुने थियो । तर नेतृत्वका लागी सहमती जुटाउने प्रयास जारी रहेकोले समय लम्बीएको हो । दशौ महाअधिबेशनबाट नेतृत्वका लागी बर्तमान अध्यक्ष भोज बहादुर शाह,बाबुराम पोख्रेल र पछील्लो समयमा राजेश खडकाको नाम पनि चर्चामा आएको छ । निर्बाचनले अध्यक्ष, बरीष्ठ उपाध्यक्ष,एक महीला सहीत ५ क्षेत्रिय उपाध्यक्ष महासचिब,३ सचिब,१ महीला सचिब,कोषाध्यक्ष,सह कोषाध्यक्ष,सदस्य तर्फपुर्बान्चलबाट ७,मध्यमान्चलबाट १२,पश्चिमाञ्चलबाट ७, मध्य पश्चिमबाट ३,सुदुर पश्चिमबाट १ र महीला ५ जना निर्बाचित गर्नेछ ।