नेपाल लगातार तेस्रो जीतका साथ सेमीफाइनलमा

काठमाडौं, २७ फाल्गुण (दैनिकी)

नेपालले एसीसी यू- १६ क्रिकेट प्रतियोगितामा लगातार तेस्रो जीत हासिल गरेको छ। भक्तपुको बिरेन्द्र सैनिकको खेल मैदानमा भएको यस खेलमा नेपाली यू- १६ ले बहरिन यू- १६ लाई ८५ रनले पराजित गरेको छ।
नेपालले पहिला व्याटिगं गर्दै निर्धारित ४० ओभरमा ७ विकेट गुमाएर २०६ रन बनाएको थियो। नेपालका लागि निश्चल पाण्डेले ७४, शरद खड्काले २६ तथा हरी चौलागाइले नट आउट रही २७ रन बनाएका थिए। २०७ रनको लक्ष पछ्याएको बहरीन यू- १६ को टोलीले निर्धारित ४० ओभरमा ९ विकेट गुमाएर १२१ रन मात्र बनाउन सक्यो। नेपालको तर्फबाट निश्चल पाण्डेले ५ विकेट लिएका थिए।
आजको अर्को खेलमा मलेसियाले सउदी अरबलाई ६ विकेटले तथा सिगांपुरले थाईल्याण्डलाई १७५ रनले हराएको छ।