कर्णालीमा बस खस्यो, दुइ दर्जन भन्दा बढीको मृत्यु

घटनास्थलमा नेपाली सेना, नेपाल प्रहरी, सशस्त्र प्रहरी, नेपाल रेडक्रस सोसाइटी तथा स्थानीय बासिन्दाको उद्धार टोली सक्रिय
कालिकोट, ५ चैत (दैनिकी)

कालिकोटको मान्माबाट सुर्खेततर्फ गइरहेको यात्रुवाहक एउटा बस बिहीबार बिहान कर्णाली नदीमा खस्दा दुइ दर्जन भन्दा बढीको मृत्यु भएको छ । दैलेखको पिपलकोट गाउँ विकास समिति खिड्की जिउल नजिक किट्टु भन्ने स्थानबाट ना.३ख ५८६८ नम्बरको बस कर्णालीमा खस्दा उक्त हताहती भएको हो । दूर्घटनामा घाइतेभएका १२ जनाको स्थानीय बासिन्दाले उद्धार गरेका थिए । उनीहरुको खिड्की जिउलास्थित स्वास्थ्यचौकीमा उपचार भइरहेको छ ।
सत्तरीजना भन्दा बढी यात्रुलाई लिएर गइरहेको उक्त बसका मालिक भने भिरमा खसेर बाच्न सफल रहेका छन ।
घटनास्थलमा नेपाली सेना, नेपाल प्रहरी, सशस्त्र प्रहरी, नेपाल रेडक्रस सोसाइटी तथा स्थानीय बासिन्दाको उद्धार टोली सक्रियरुपमा लागिपरेका छन् । थप उद्दारका लागि सुर्खेतबाट सेनाको हेलिकप्टर घटनास्थल गएको छ ।