नराम्रो अभिनय गर्ने कलाकारहरुलाई पनि पुरस्कार

सबभन्दा नराम्रो अभिनय गर्ने हरमन बावेजा तथा करिना कपुर पुरस्कृत
काठमाडौं, १ चैत्र (दैनिकी)

बलिउडमा उतकृष्ट अभिनय गर्नेहरुलाई बिभिन्न पुरस्कार दिने गरेकोमा हालै दिल्लीमा गोल्डन केला नामको पुरस्कार समारोह मार्फत सबभन्दा नराम्रो अभिनय गर्ने कलाकारहरुलाई पनि पुरस्कार दिने प्रचलनको शुरुवात भएको छ। यस समारोहमा सबभन्दा नराम्रो अभिनय गर्ने हरमन बावेजा तथा करिना कपुर पुरस्कृत भएका छन।
हरमन बावेजालाई चलचित्र वाट्स योर राशिका लागि तथा करिना कपुरलाई कमबख्त इश्कका लागि यस पुरस्कार दिइएको थियो। यस समारोहममा सायरस ब्रोचालाइ प्रमुख अतिथी बनाएको थियो। यसै समारोहमा निर्देशक मधुर भंडारकरलाई पनि अब त पुग्यो भन्ने पुरस्कार दिइएको थियो। यस्तै अक्षय कुमार तथा करीना कपूरलाई कमबख्त इश्क जस्तो मंहगो तथा नचलेको चलचित्रमा अभिनय गरे बापत कामका लागी जे पनि गर्ने जस्तो पुरस्कार दिइएको थियो।