सम्पर्क अधिकृत लैजानुपर्ने सरकारी निर्णय विरुद्ध पर्यटन

काठमाडौं, १३ चैत (दैनिकी)

समूहगत पदयात्रामा जाँदा सम्पर्क अधिकृत लैजानुपर्ने सरकारी निर्णय विरुद्ध उत्रिएका पर्यटन व्यवसायीले व्यवसाय नै बन्द गर्ने चेतावनी दिएका छन् । उक्त निर्णय तत्काल फिर्ता लिनुपर्नेमा जोड दिँदै टे्रकिङ एजेन्ट्स एसोसिएसन अफ नेपाल (टान)का प्रथम उपाध्यक्ष बच्चुनारायण श्रेष्ठले निर्णय आफूहरुलाई मान्य नहुने बताउनुभयो । सर्म्पर्क अधिकृत लैजाँदा न्यूनतम एकहजार डलर खर्च हुनेभएकाले व्यवसाय नै सङ्कटमा पर्ने हुनाले उक्त निर्णयले विरोध गर्नुपरेको उहाँको कथन छ ।
सरकारले ताप्लेजुङ, सङ्खुवासभा, सोलुखुम्बु, दोलखा, रसुवा, गोरखा, मनाङ, मुस्ताङ, डोल्पा, मुगु, हुम्ला, बझाङ र दार्चुला गरी १३ जिल्लाका ४५ स्थानमा सम्पर्क अधिकृत लैजानुपर्ने निर्णय गरेको थियो ।