आजबाट धर्म महोत्सव सुरु

भक्तपुर, १७ चैत (दैनिकी)

कृष्ण प्रणामी सेवा समितिले गोठाटारमा हालै निर्माण गरेको कृष्णमन्दिरमा देशका ७५ जिल्ला लगायत विभिन्न राष्ट्रबाट कृष्ण प्रणामी भक्तहरुको ओइरो लागेको छ । महोत्सवमा अमेरिका, बेलायत, जापान, अस्टे्रलिया, भारत, भुटान, माल्दिभ्स, श्रीलङ्का, बङ्गलादेश, पाकिस्तानलगायतका मुलुकबाट १५ हजारभन्दा बढी विदेशी सहभागी भएका समितिका अध्यक्ष हरिकेशव फुँयालले बताउनुभयो । चैत २२ गते सम्पन्न हुने महोत्सवमा नेपाली र विदेशी गरी तीनलाख ५० हजारभन्दा बढी कृष्ण प्रणामीले भाग लिने उहाँले ठोकुवा गर्नुभयो । महोत्सव अवधिभर आउने स्वदेशी तथा विदेशीलाई आवास तथा भोजनको निःशुल्क व्यवस्था गरिएको छ ।
रु. तीनकरोड ५० लाखको लागतमा ३४ रोपनी जग्गामा श्रीकृष्णको विशाल मन्दिर तथा दुइवटा आवासीय भवन निर्माण गरिएको छ ।