सेन्टप अनुत्तर्णीले आज पनि एसएलसी परिक्षा दिए

सम्बन्धित पक्ष मौन

गिरिराज पंगेनी भैरहवा १५ चैत

रुपन्देहीको एक परिक्षा केन्द्रबाट सेन्ट अप परिक्षामा अनुत्तर्णी भएका एक बिद्यार्थीले आज तेस्रो दिन पनि एसएलसीको परिक्षा दिएका छन् । जिल्लाको दक्षीणी क्षेत्रमा रहेको मर्चवार आदर्श उच्च माबि परीक्षा केन्द्रबाट सेन्टप अनुत्तर्णी शिवकुमार चाहींले परिक्षा दिएका हुन् । २००८३ सिम्बोल नम्वर भएका चाहीं कृषक आदर्श उच्चमाबी बेतकुइयाँले लीएको सेन्ट अप परिक्षामा अनुत्तर्णी भएका थिए ।
यता जिल्ला शिक्षा अधिकारी राकेस श्रीवास्तवले भने यस बिषयमा आफुलाई कुनै जानकारी नै नभएको बताउँदै अझै कारबाहिको कुनै संकेत गरेका छैनन् । सेन्टप परिक्षमा अनुत्तर्णी भए पनि उनले परीक्षा सञ्चालन हुनु केहीदीन अघी बिद्यालयमा पुःन परिक्षा दिन पाउँ भनी निबेदन दिएको र निबेदनलाई प्रधानाध्यापकले पुरानो मितीमा दर्ता गर्राई उनलाई परिक्षमा सामेल गराएको स्रोतले बताएको छ । रुपन्देहीमा केन्द्राअध्यक्षहरु समेत दलीय भागबन्डाको आधारमा चयन गरीएको थियो ।
परिक्षा नियन्त्रण कार्यालय सानोठीमीले २०६६ सालको प्रवेशिका अर्थात एसएलसी परीक्षामा अनियमितता गर्नेलाई एक लाख र ६ महिना सम्मको कैद सजाय हुने बताएको छ ।