आठौ दिन पनि आएन स्वर्ण तथा रजत

मनोरञ्जन शर्मा ढाका २२ ,माघ

अहिले सम्म स्वर्ण तथा रजत जित्न नसकेका नेपाली खेलाडीहरुले बंगलादेशमा जारी एघारौ सागको आठौ दिन पनि नेपालीहरुलाई स्वर्ण तथा रजत पदक दिलाउन सकेनन् ।
आज भएको बिभिन्न खेलमा नेपालले थप २ काश्य पदक जितेको छ भने कम्तीमा ३ काश्य पदक सुनिश्चीत गरेको छ । आज भएको उसुको सान्सौ तर्फो ४८ केजी तौल समुहको सेमिफाइनलमा एलिना चौधरी र ६० केजीमा झरना गुरुङ्ग भारतीय खेलाडीसंग हार्दा नेपालले काश्यमा चित्त बुझाएको हौ । यसअघि पाकिस्तानी टोसना हनिफलाई पराजित गर्दै चौधरी र श्रीलंकन मोलिनी पाथिरानालाई किनारा लगाउदै गुरुङ्ग सेमिफाईनलमा प्रबेश गरेकि थिईन् । पुरुषोत्तम रिजाल भने वाइ पाएर यसअघि नै अन्तिम ४ मा पुगिसकेका छन् । । रिजालले पनि कम्तिमा कास्य पदक सुनिश्चीत गरेका छन् ।

उता सान्सौको ५२ केजी तौल समुहमा समि लामा पाकिस्तानी खेलाडीसंग, ६० केजीमा प्रेम दर्लामी श्रीलंकन खेलाडीसंग तथा ६५ केजीमा विरसिंह तामाङ्ग श्रीलंकन खेलाडीसंग पराजित भएका छन् ।

उता भोलिबाट सुरु हुने तेक्वान्दोमा नेपालले १ कास्य पदक जित्ने निश्चीत भएको छ । ५७ केजी तौल समुहमा मनिता शाहीले वाई पाएर सिधै सेमिफाइनलमा प्रवेश पाएपछि मनिताले कम्तीमा काश्य सुनिश्चीत गरेकि हुन् । पदकको आशा गरिएको तेक्वादोका खेलहरु भोलीबाट शुरु हुंदैछन् । यसैबिच आज बाट शुरु भएको बक्सिङमा नेपालले खराव प्रदर्शनका बाबजुद् पनि कास्य पदक हात पार्ने निश्चीत भएको छ । ४८ किलो तौल समूहमा सहभागिता जनाएका सचिन राउत अफगानी खेलाडीसंग कम्पल्सरी काउन्ट लिमिटमा पराजित भएपनि ५१ कैजी तौल समुहमा लक्ष्मण साउद वाई पाएर सिधैं सेमिफाइनल प्रवेश गरेका छन् । उनले कम्तिमा कास्य पदक प्राप्त गर्ने निश्चीत भएको छ । बक्सिङका अन्य खेलहरु भोलि हुनेछन् । ६४ किलो तौल समूहमा सुशिल घिमिरेले, ६० किलोमा अजित गुरुङ, ५७ किलोमा दिनेश श्रेष्ठले तथा ५४ किलो तौल समूहमा देबेन्द्रराज ठकुरीले प्रतिष्पर्धा गर्दैछन् ।

उता नेपाल आज हृयाण्ड बलको काश्य पदकका लागी भएको खेलमा आयोजक बंगलादेश संग पराजित भएको छ । सेमिफाइनलमा पराजित भएपछि कास्यकालागि आज भएको खेलमा नेपाल बंगलादेशसंग ४२/११ ले पराजित भएको हो ।

नेपालले आज स्वीमिङ्गमा समेत खराब प्रदर्शन गरैको छ । हिट चरणको प्रदर्शनमा सुधार गर्न नसक्दा नेपाली खेलाडीले अन्य मुलुकका खेलाडीलाई उछिन्न समेत सकेनन्। २ सय मिटर इण्डिभिजुअल मिड्लेमा शैलेश राणा, ५० मिटर बटरफ्लाईमा करिष्मा कार्की, ५० मिटर ब्रेष्ट स्ट्रोकमा नयना शाक्य, र सय मिटर प्रिm स्टाइलमा प्रसिद्धजङ्ग शाह अन्तिम स्थानमा रहै भने विविधा रिमालले ५० मिटर ब्रेष्ट स्ट्रोकमा सातौं स्थान औगटिन । यसअघि आज बिहान सबै खेलाडीले हिट चरण पार गर्दै फाइनलमा स्थान सुरक्षित बनाएका थिए ।

यसैबिच, सुटिंगको १० मिटर एअर पेस्तोल तर्फनेपाली पुरुष टिम पाचौ स्थानमा सिमीत भएको छ । ५ राष्ट्रको सहभागीता रहेको सुटिंगमा नेपालले अन्तिम स्थान पाएको हो । नेपालका तर्फाट सहभागी खेलाडीमध्ये बज्रउद्धिन अन्सारीले कुल ६ सय अंक मध्ये ५ सय ४९ अंक प्राप्त गरे भने सुधन खडकाले ५ सय ४१ र अनिल ठकुरीले ५ सय २० अंक प्राप्त गरे । नेपाली खेलाडीहरु अन्तिम ८ मा पर्न नसकेपछी इन्डिभिज्युअलबाट समेत बाहिरिएका छन् ।

गल्फमा पनि नेपाली खेलाडीले खस्किएको प्रदर्शन गरैका छन् । पहिलो दिन आठौं स्थानमा रहेका दिपक आचार्यले आज तेस्रो दिन खराब प्रदर्शन गर्दै ९ ओभर पार ८१ को स्कोर बनाएपछि १५ औं स्थानमा झरेका छन् । रुपेशले समग्रमा २ सय ३१ को स्कोर कार्ड बनाए । त्यसैगरी विष्णुप्रसाद शर्मा, टासी घले, र टासी छिरिंगले पनि खराव प्रदर्शन गरे ।

उता स्क्वासको टिमर् इभेन्टमा नेपाल भारत संग तिन शुन्यले पराति भएकौ छ । उता कुस्तीको उदघाटन खेल पनि आज सुरु भएको छ ।

नेपालले आठौ दिन सम्ममा गरी ११ काश्य पदक जितिसकेको छ भने ३ काश्य सुनिश्चीत गरेको छ