तरकारीको मुल्य निर्धारण नहुदा उपभोक्ता मारमा

रोहित कुमार मण्डल लहान, २९ माघ

तरकारीको बिक्री मुल्य निर्धारण गर्ने निकाय नहुदा सिरहा जिल्लाका बजारमा चर्को मल्यमा उपभोक्ताहरु दैनिक उपयोग वस्तु तरकारी किन्न बाध्य रहेका छन् । तरकारी उत्पादन हुने सिरहामा व्यापारीहरुले तरकारीको मुल्य आफै निर्धारण गरि ब्रि्री गर्दै आएकाले उपभोक्ताहरु चर्को मुल्यमा तरकारी किन्न बाध्य भएका हुन् । मुल्य निर्धारण निकाय नहुदा तरकारीको बजार अनुसार एक रुपता छैन् । एक देखि अर्को बजारमा मुल्य फरक पर्दा उपभोक्ताहरु दैनिक उपभोग वस्तु तरकारीमा चर्को मुल्यमा खरिद गर्न बाध्य रहेका छन् ।
एउटा बजारमा ३० रुपैया किलोगा्रम पाइने प्याज अर्को बजारमा ३५ देखि ४० रुपैया पर्ने गरेको लहान निवासी धुव्र सुवेदीले बताए । उपभोक्ता सुवेदीका अनुसार सात दिन भित्र बजारमा तरकारीको मुल्य फेरवदल भईरहेको हुन्छ ।
कृषि विकास कार्यालय सिरहाको तथ्यांक अनुसार लहान नगर पालिकामा दुइ तरकारी बजार छन् भने जिल्ला भरिमा तीन दर्जन गा्रमीण हाट बजार लाग्छन् । ती बजारहरुमा तरकारीको मुल्यमा एकरुपता छैन ।
कृषि विकास कार्यालय सिरहाका अनुसार, कार्यालयले तरकारी बजारमा चालु दररेट १५ । १५ दिनमा लिने गरेपनि मुल्य निर्धारण गर्ने निकाय नएकाले उपभोक्ताहरु यस्तो मारमा परेको बताए । कार्यालयका अनुसार, जिल्लाम बिर्तामोड, भैरवा, मकवानपुर, लगायतका क्षेत्रबाट जिल्लामा तरकारी भित्रिने गरेको छ भने यहाबाट पनि काठमांडौं लगायतका मुलुकका विभिन्न क्षेत्रमा मौसमी र बेमौसमी तरकारी निर्यात हुने गरेको छ । अधिकांश यहाका बजारमा स्थानिय कृषकहरुद्धारा तरकारी बिक्री हुदै आएको छ ।